早幾日有個新症，「肥肥地」嘅30幾歲強國女人。啱啱辦左身分證，仲攞緊行街紙就入嚟睇醫生。佢同個姑娘講話「自己唔知係咪有BB」所以想驗孕。嗱，記住呢一句係佢自己講嘅。
我問佢對上一次月經係幾時，佢同我講係四．月．中。我仲以為我聽錯，你已經大左肚四個月And Then你話你唔知你有冇BB？跟住佢補多句話喺大陸已經做過產前檢查。
又Insert烏鴉Emoticon⋯⋯
其實點解唔可以誠誠實實講話你而家搬咗落嚟香港，想喺香港繼續做產前檢查。我唔理你係對香港醫療制度有信心過大陸，想阿B第時做香港人，定係順便經過香港想做下檢查（雖然又唔知點解明知自己大肚但係無端端又報咗個兩年嘅High Dip課程去讀，「逼」住佢要留喺香港咁慘慘🐷）⋯⋯ 但係點解你個開場白要咁奇怪？
如果你驚我會Judge你，你又點解唔做晒成齣戲扮真係唔知個肚有咗四個月？例如：「呀超級靚女及自戀醫生，真係？我以為我食多咗嘢+有超級便秘，所以個肚先會大左咁X多個月咋！真係唔知原來唔帶套會有BB架！」
你咁順攤一秒變誠實，一開波又為何要講大話呢？你唔連戲我好辛苦架喎。
BTW，又話你哋覺得香港唔好嘅？又話香港夏季流感死人多個沙士唔好再落嚟嘅？定係香港如果冇大陸幫手就死咗好耐，所以要你個仔落嚟讀書。如果唔係我哋啲學校會因為唔夠人要殺校？一定係，除非唔係。
Search